№1 ХАТТАМАСЫ 

    Арал қыстақ ауылы                                                             28.08.2025 жылы

Педагогикалық кеңес отырысы

Қатысушылар: 

   Аудандық білім бөлімінің әдіскері:Л.Абенова

    Мектеп меңгерушісі:Г.Жасыбаева

Бастауыш мектеп педаготары

1.А.Алметова

2.А.Исалина

3.Н.Иманбаева

4.Ш.Сахова 

5.Д.Дауелова.

Хатшы:Жапан Диана

Күн тәртібінде:

• Педагогикалық кеңесті ашу.

Баяндаушы: Г.Жасыбаева – мектеп меңгерушісі  

• Бейнероликті көру:
• Жаңа оқу жылында білім беру ұйымының жұмысының басымдықтары мен негізгі бағыттары туралы.

( әдістемелік нұсқаухатты  түсіндіру жұмыстары)

Баяндаушы: Г.Жасыбаева – мектеп меңгерушісі  

• Жылдық жұмыс жоспарын бекіту туралы

 Баяндаушы: Г.Жасыбаева – мектеп меңгерушісі  

• Мектептің ұйымдастырушылық-шаруашылық қызыметі туралы

Баяндаушы:Б.Карымбаев– мектептің шаруашылық меңгерушісі  

    6.Әртүрлі мәселелер (1 қыркүйек –Білім күнін ұйымдастыру туралы)

Тыңдалды:

• Педагогикалық кеңесті ашу.

Педагогикалық кеңесті мектеп меңгерушісі Г.Жасыбаева алғашқы сөз алып, 2025–2026 жаңа оқу жылының басталуымен құттықтай отыра,жаңа оқу жылының өте маңызды міндеттер жүктеп отырғаны туралы айтып өтіп,отырыстың мақсат пен міндеттерін айқындап,кеңестің күн тәртібімен таныстырды. Кеңеске  аудандық білім бөлімінің әдіскері Л.А.Абенова қатысты.

1. Бейнероликті көру

Қазақстан Республикасының Президенті Қасым- Жомарт Тоқаевтың 2025 жылдың 15 тамызында ұстаздардың республикалық Тамыз конференциясының пленарлық отырысында сөйлеген сөзінің бейнеролигі көрсетілді.

1. Жаңа оқу жылында білім беру ұйымының жұмысының басымдықтары мен негізгі бағыттары туралы

2025-2026 оқу жылыда мектеп ұжымы аталған бағыттар бойынша жүйелі жұмыс жүргізіп, оқушылардың білім сапасын арттыру мен тұлғалық дамуын қамтамассыз етуге міндетті.  Жалпы алғанда білім беру мекемелерінің негізгі жұмысының басымдықтары мен бағыттары төменгідей: 

1. Сапалы білім беру
2. Тәрбие жұмысын ұйымдастыру және білім алушылар үшін қауіпсіз және қолайлы орта құру, «Адал азамат» біртұтас тәрбие бағдарламасын іске асыру.
3. Цифрлық білім беру ортасын нығайту,оқу процесіне жасанды интеллект элементтерін енгізу
4. Педагог мәртебесін көтеру

Шешімі: 

-жұмыс барысында «2025-2026 оқу жылының оқу-тәрбие ұйымдастырудың ерекшеліктері туралы әдістемелік-нұсқау хат басшылыққа алынсын.

- «Адал азамат» тәрбие бағдарламасын іске асыруды қамтамасыз етсін,

1. білім беру процесінде жасанды интеллект мүмкіндіктерін қолдансын,
2. мектеп әкімшілігі білім беру ұйымының негізгі міндеттері ретінде білім беру сапасын арттыру, функционалдық сауаттылықты дамыту, білім алушылардың оқу жетістіктерін жақсартуды айқындасын.
3. білім сапасын арттыру және білім алушылардың құзыреттерін дамыту, қауіпсіз және жайлы білім беру ортасын қалыптастыру жөніндегі іс-шараларды әзірлесін.

• Жылдық жұмыс жоспарын бекіту туралы

Мектеп меңгерушісі Г.Б.Жасыбаева төртінші мәселе бойынша  мектептің оқу жұмыс жоспары,мектептің білім алушылар тізімдік құрамымен,педагогтердің оқу жүктемесі (тарификация),сабақ кестесімен,мектепті дамыту, педагогикалық кеңес,мектепішілік бақылау,әдістемелік бірлестіктің жұмыс жоспарларымен,педагогтердің біліктілігін арттырудың перспективалық жоспарымен таныстырып,мұғалімдердің күнтізбелік-тақырыптық жоспарларына талдау жасалынды.
 Жылдық жұмыс жоспары мектептің педагогикалық кеңесінде қаралып, талқыланды және мектеп меңгерушісінің бұйрығымен бекітілді. Барлық құрылымдық бөлімдер бекітілген жұмыс жоспар негізінде  жүргізіледі.

Шешімі: 

- Мектептің оқу жұмыс жоспары бекітілсін
 - Мектептің білім алушылар тізімдік құрамы (30 білім алушы)
 - Педагогтердің оқу жүктемесі төменгідей бекітілсін:

          1.Г.Жасыбаева -24 сағат

          2.А.Алметова-17,5 сағат

          3.А.Исалина-17 сағат

          4.Н.Иманбаева-16 сағат

          5.Ш.Сахова-17 сағат

          6.С.Ерназарова-4 сағат

          7.Д.Дауелова-20 (мектепалды сыныбы)

 - 2025-2026 оқу жылының сабақ кестесі
 - Мектепті дамыту жоспары
 - Педагогикалық кеңес жоспары
 - Әдістемелік кеңес жоспары
 - Мектепішілік бақылау жоспары
 - Әдістемелік бірлестіктердің жұмыс жоспарлары
 - Педагогтердің біліктілігін арттырудың перспективалық жоспары
 -Мектептің ішкі тәртіп ережесі бекітілсін.

-Сынып жетекшілер 1-4 сыныптар бойынша төменгі тізіммен бекітілсін

         1 .А.Алметова-1 сынып жетекшісі

          2.А.Исалина-2 сынып жетекшісі

          3.Н.Иманбаева-3 сынып жетекшісі

          4.Ш.Сахова-4 сынып жетекшісі

5.Д.Дауелова-мектепалды сынып тәрбиешісі

• Мектептің ұйымдастырушылық-шаруашылық қызметі туралы

Бесінші мәселе бойынша мектептің шаруашылық меңгерушісі Б.Карымбаев баяндама жасап,2025-2026 оқу жылында мектептің ұйымдастырушылық-шаруашылық қызметі оқу- тәрбие үдерісін тиімді жүргізуге қолайлы жағдай жасауға бағытталатыны туралы айтып өтті. 

Негізгі атқарылатын жұмыстар:

- Материалдық- техникалық базаны жақсарту

- Жөндеу жұмыстарын жүргізу

- Мектептің санитарлық жағдайын қадағалау

-Қауіпсіздік шараларын жүргізу

- Көгалдандыру мен абаттандыруды ұйымдастыру

Шешім:

-мектептің ұйымдастырушылық-шаруашылық  қызметі жүйелі жүргізіліп, оқу процесіне кедергісіз жағдай жасау қамтамасыз етілсін

- ұйымдастырушылық және шаруашылық мәселелері үнемі мектеп әкімшілігінде қаралып,бақылауға алынсын
 - мектепте білім алушылар және барлық қызметкерлер арасында санитарлық нормалар сақталынсын 

    6.Әртүрлі мәселелер (1 қыркүйек –Білім күнін ұйымдастыру туралы,оқушыларды оқулықпен қамтамасыз ету туралы және т.б. мәселелер)

Мектеп меңгерушісі Г.Жасыбаева әртүрлі мәселелер бойынша 2025-2026 оқу жылының салтанаты ашылуы 1 қыркүйек «Білім күні» салтанатты жиынның өткізуді ұйымдастыру  бойынша әдістемелік-нұсқау хаттағы ұсынымға сүйене отырып,

Білім күніне арналған сынып сағатының ұсынылып отырған тақырыбы: «Мектебім – мейірім мекені!»,мемлекеттік туды көтеру және гимнді орындау Қазақстан Республикасының мемлекеттік рәміздерін пайдалану ережесіне сәйкес жүргізілетіні туралы айтты. 

Жаңа оқу жылында педагогтер «Адал азамат» біртұтас тәрбие бағдарламасының аясындағы құндылықтарды дәріптеуге және жыл көлемінде білім алушылардың бойына дарытуға ерекше мән беруі қажет екені туралы және салтанатты жиынға мектеп білім алушыларының ата-аналары/заңды өкілдері, 

ата-аналар комитетінің мүшелері, оның ішінде бірінші сынып білім алушыларының ата-аналарының/заңды өкілдерінің бірінің іс-шараларға қатысуының маңызды екендігіне назар аудару қажет екендігін ескертті. 

Салтанатты жиынға мектеп оқушыларының саны аз болғандығын ескере отырып,бірінші сынытың оқушыларымен қатар барлық 2-4 бастауыш сынып оқушыларын қатыстыруға ұсыныс жасады.

Шешім:

-2025-2026 оқу жылында «Білім күні»салтанатты іс-шараға ата-аналар комитетіменен  және қамқоршылық кеңесімен келісе отырып, мектептегі білім алушылардың санының аз болғанына байланысты бірінші сынытың оқушыларымен қатар барлық 2-4 бастауыш сынып оқушылары қатыстырылсын.

- «Білім күніне» арналған сынып сағаттар ұсынылып отырған «Мектебім – мейірім мекені!» тақырыбында өткізілсін.

- сынып сағаттарында заманауи технологияларды (интерактивті тақта, презентация, бейнематериалдар, жасанды интеллект) пайдаланылсын. 

-Білім күні білім алушылар, олардың ата-аналары мен педагогтер арасында әлеуметтік желілерде 2025-2026 оқу жылына арналған «Мектебім – мейірім мекені» республикалық интервью-челленджін өткізілсін.

-барлық білм алушыларды 100%  оқулықпен қамтамасыз етілсін.

      Төрайымы:                                    Г.Б.Жасыбаева

      Хатшы:                                            Д.Қ.Жапан

Мақсаты:

• Оқу мақсатына сәйкес бағалау тапсырмаларын әзірлеудің тиімді жолдарымен таныстыру;
• Бағалау тапсырмасының сапасын қалай қамтамасыз етуде мұғалімдердің бірлескен жұмысын ұйымдастыру бойынша бағыт-бағдар беру;
• Оқыту кезінде оқу мақсаттарына қарай тапсырмаларды құру және оларды бағалау дағдыларын жетілдіру;

Күтілетін нәтиже:

• Оқу мақсатына жету үшін тапсырмаларды/құралдарды анықтайды,формативті бағалау тәсілін жоспарлайды.

Мектептің оқу-тәрбие жоспарына сай 2023 жылдың 3 қараша күні кезекті   педагогикалық кеңес өтті.Педагогикалық кеңестің жоспарының негізінде күн тәртібінде  төменгідей мәселелер қаралды:

1. І тоқсан қорытындысы мен мемлекеттік білім стандарты талаптарының пәндер бойынша орындалуы жағдайы,білім сапасының мониторингісі.
2. І тоқсан бойынша БЖБ,ТЖБ жұмыстарының қорытындысы
3. 1-ші сынып оқушыларының жаңа білім беру жағдайларына бейімделуі, әліппе оқыту мен математика пәндерінің оқытылу жағдайы.2-4 сынып оқушыларының дәптерлерінің жүргізілу барысы

    4.Тамақтану сапасына мониторинг жүргізу жөніндегі комиссия   жұмысының қорытындысы.

      Педкеңесте барлық мәселелер қаралды,анықтамалар оқылып,тиісті педагогтарға ескертулер мен ұсыныстар  жасалынды,педкеңестің қаулысы шығарылды.

Хаттамасы жазылды,анықтамалар жинақталды.

Қазіргі заманда 6 жасар балаларды мектепке оқытуға дайындау өзекті мәселелердің бірі болып табылады. Алты жасар баланың алғаш рет мектепке келуі — балаға да және оның ата - анасына да өте жауапкершілікті кезең болып саналады. Оқу әрекетіне еш ауыртпалықсыз әрі табысты кірісіп кету үшін баланың дені сау және жан - жақты даярланған болуы қажет. Осыған орай мен оқушылардың мектепке, оқу үрдісіне тез бейімделуін қатаң бақыладым.
 
 Биылғы 2022 - 2023 оқу жылында 1  сыныпта 12 оқушы болды. Соның ішінде 6 -уы қыз бала, 6-уы ұл бала. 11 оқушы осы мектептің даярлық тобында болған, 1 оқушы үйде тәрбиеленген. Оқушылардың басым бөлігі осы мектептің оқушылары болғандықтан олармен тіл табысу қиын болған жоқ. Өйткені мен бұл сыныпта жұмыс істегенмін. Бірақ оқушылар мектепке әртүрлі деңгейдегі дайындықпен келді. Бірақ басқа 1 бала үшін мектепке, оның тәртібі мен талаптарына, мұғалімге бейімделу сәл қиындық туғызды. Өйткені таныс емес мұғалім, оқушылар және орта. Әдетте мектепке бейімделудің 4 деңгейі болады: жоғары, орта, төмен және өте төмен. Менің оқушыларым менің тәртібім мен менің талаптарыма үйрене бастады.
 Баланы мектепке бейімдеу процесі өте жан-жақты және ересектерден үнемі бақылау мен түзетуді қажет етеді. Оның ағымының жүйелілігін қамтамасыз ету үшін әртүрлі іс-шараларды қамтитын кешенді құжат әзірлеу қажет, олардың ішінде ең бастысы:

-диагностика;

-балалармен бейімделу және түзету сабақтары;

-ата-аналармен жұмыс.

• Екі апта бойы мен бақыдау жүргіздім.Бақылау нәтижесі қай бала бейімделуге оңай көнеді,қанша бала қиындық туғызатындарды анықтау.12 баланың 8-і оңай бейімделуге белгілі болды,4-уі қиындау болды.Екінші кезеңде балалармен түзету жұмыстары жүргізілді,сабақ барысында «Үйлер» әдістемесі»,«Баспалдақ» әдістемесі,«Адам суреті» сурет салу әдістемесі арқылы жоғары, орта, төмен және өте төмен топтарын белгілеп алдым.Партаға отырғызу кезінде жоғары тобындағы оқушылар мен төмен тобындағы баламен отырғызуды жөн көрдім.

      Ата - аналармен өткізілген сынып жиналысында, мектеп ішілік жалпы жиналыста оқушының мектепке бейімделуі жайлы көп сөз қозғалған болды. Сондықтан ата - аналармен де тығыз жұмыс жүргізілді. Оқудың алғашқы аптасында - ақ кейбір оқушылар өздерін әлі оқушы сезіне қоймады. Өздерін даярлық сыныптағыдай сезініп, іс - әрекеттер жасай бастады. Тек оқудың 5 - 6 апталарында жұмысқа қабілеттілік көрсеткіштері тұрақты бола бастайды және біртіндеп жоғарылайды. Оқумен байланысты барлық жүктемеге қатысты тұрақты бейімделу басталды. Оқу жүктемесіне ағзаның физиологиялық бейімделуі қиын кезең болғанымен, ол оқудың 5 - 6 апталарында аяқтала бастады.
     «Мектеп күйзелісі» - бұл баланың мектепке баруымен байланысты психикалық күйінің бұзылуы сияқты жылау, мектепке барғым келмейді деген оқушылар тарапынан қылықтар болған емес.
 Балалардың ішінен мектепке бейімделу ауыр, қиын болған балалар болған жоқ. Мұнда денсаулық жағдайының бұзылуы оқу жылының басында 2  оқушыда ғана болды.
 
 Менің ойымша менің оқушыларымның бейімделудің ауыр болған жоқ. Бірақ бастапқы бетте жаңартылған бағдарлама бойынша оқушылардың оқу тәртібі және оқу жүктемесі аса ауыр болды. Тіпті мен үшін де. Денсаулық жағдайына байланысты кейбір оқушылардың бейімделуі қиын болатын шығар. Менің оқушыларымның арасында денсаулығында кінәраты бар оқушылар болған жоқ. Барлық оқушылар денсаулық тобының негізгі тобында.
 Сырттан келген 1 оқушы сынып ұжымына тез үйренісіп кетті.Мектепішілік іс-шараларға белсенді қатыса бастады:тақпақ айту,би билеу,басқа сынып оқушыларды тыңдай білуге дағдыланғандарын байқадым. 
 Қазіргі таңда менің оқушыларым мектепке бейімделіп болды деген ойдамын. Алғашқы уақытта мен тек оларға сапалы білім мен тәрбие беруде көп жұмыс жасаймын деген ойдамын. Себебі білімді, тәрбиелі оқушылар мұғалімінің мәртебесі мен мақтанышы.
 
 
 

          Мектепте жас мамандармен жұмыс жоспарына сай 2022 жылдың 

27 қазан күні биылғы оқу жылында келген жас мамандар Б.Алдебаева және Д.Дауеловамен бірінші тоқсан аралығында  жүргізілген жұмыстардың қорытындысы жасалынды.Тоқсан басында жұмыс жоспары құрылып,педкеңесте бекітілді. Жас мамандармен сұхбаттасып мектептің жұмыс режимімен және ішкі тәртібімен таныстырылды,ҰМЖ және ҚМЖ құрастырылуы бойынша әдістемелік көмек берілді.Жаңа оқу жылындағы балдық жүйенің шкаласымен таныстырылып,күнделік жүйесінде дұрыс жұмыс жүргізу әрекеттері бақылауда болды.

     Жұмыс барысында кездескен қиындықтарын анықтау арқылы кәсіби шебірлігінің деңгейін саралау жүргізіліп,өзіндік даму тақырыптары анықталды. Жас маманмен оқушының дәптерімен,күнделігімен, жеке іс қағаздарымен қалай жұмыс істеу қажет екенін талқылау жасалынды.Жаңартылған білім беру бағдарламасы бойынша оқыту формасы мен түрлерінің сабақ барысында қолданылуына саралау жүргізілді.

       Жас маманға І- тоқсандық қорытынды шығару бойынша,жиынтық бағалау қорытындысын жасау,есеп тапсыруға бағыт-бағдар берілді.Жиынтық бағалауды жинақтап, оқу жетістіктерін критериалды бағалау үлгісін толтыруын қадағалау үнемі жүргізіліп тұрды.

Тоқсан ішіндегі жіберілген кемшіліктер ескертіліп,алдағы уақытта сапалы жұмыс жүргізуге кеңес берілді.